|
2004-01-20 - 11:49 p.m. 嘩..原來都一段日子冇寫日記喇..不過其實近來都比較充實,真覺得一日廿四小時都唔太夠用..每天八個幾鐘開工,其餘就係四周走..就連係屋企都只係四五個鐘,仲要果幾個鐘都係用o黎訓覺..開始發覺有Ｄ住酒店feel. 由上個禮拜尾至尋日都好似有陣「倦」氣係自己身邊唔散,日日都好似訓唔醒.有時都真係睏得好無奈..好似尋日收工,係倉換完衫坐係張凳直頭睏到唔願行..不過都唔夠慘,最慘就係夜晚同佢講電話...成日都好似有佢講冇我講,連續幾次訓醒先記起有同佢傾過電話..而所有傾過o既內容一切冇印象.呢種傾電話方式真係好無安全感,因為真係好怕自己每晚係矇茶茶o既情況會對佢講左Ｄ唔應該講o既野..最驚係激嬲左佢自己都唔知. 今晚係相隔個幾星期冇與佢接近o既第一次,一齊去左自己愈來愈喜歡食o既「蛋撻仔」到食野.惟憾就係佢之前食完我買o既下午茶搞到飽晒食唔落野,全程陪坐..而食完佢就去左打麻雀.....唉... 呢幾天都比一個問題困住自己..就係莫過於「前途」..因為自星期日上完大陸塭開餐館o既阿叔之後..自己可以選擇o既路又開多一條.不過其實對於自己o黎講亦都係一件好事..依家記望就係佢生意能keep得好好地,比自己將來一個保障. 近幾日同新同事KK熟左好多→開心.. 今晚打比好耐無傾電話o既Hoby,點知條友仔過左加拿大都唔單聲..搞到要比長途→激死..
|